میڈرڈ (امت نیوز) ریال میڈرڈ نے چوتھی مرتبہ کلب ورلڈ کپ فٹ بال ٹورنامنٹ جیت کر نئی تاریخ رقم کر دی، ریال میڈرڈ نے فیصلہ کن معرکے میں ابوظہبی کلب ال این کو 4-1 گولز سے شکست دے کر مسلسل تیسری مرتبہ ٹائٹل جیتنے کا اعزاز حاصل کیا۔ کلب ورلڈ کپ ٹورنامنٹ کے فائنل میں ریال میڈرڈ نے شاندار کھیل پیش کرتے ہوئے ابوظہبی کلب ال این کو با آسانی ایک کے مقابلے میں چار گولز سے ہرا کر مسلسل تیسری مرتبہ ٹائٹل جیتنے کا اعزاز حاصل کیا، اس کے ساتھ ساتھ ریال میڈرڈ نے چار مرتبہ ٹائٹل جیت کر نیا عالمی ریکارڈ بھی قائم کر دیا۔ فاتح ٹیم کی جانب سے موڈرک، لورینتے، راموس اور مصطفی نے ایک، ایک گول کیا جبکہ ال این کلب کی طرف سے واحد گول شیوتانی نے کیا-