سینچورین(امت نیوز) جنوبی افریقہ اور پاکستان کی کرکٹ ٹیموں کے درمیان تین ٹیسٹ میچوں پر مشتمل سیریز کا پہلا میچ (کل) بدھ سے سینچورین میں شروع ہو گا، ۔ پاکستانی ٹیم نے ٹور میچ میں جنوبی افریقہ الیون کو ہرا کر حریف ٹیم کیلئے خطرے کی گھنٹی بجا دی تھی، توقع ہے کہ دونوں ٹیموں کے درمیان دلچسپ مقابلے دیکھنے کو ملیں گے۔آسٹریلیا اور بھارت کی کرکٹ ٹیموں کے درمیان چار ٹیسٹ میچوں پر مشتمل سیریز کا تیسرا میچ (کل) بدھ سے میلبورن میں شروع ہو گا، دونوں ٹیموں کے درمیان سیریز 1-1 سے برابر ہے، پہلے ٹیسٹ میں مہمان بھارتی ٹیم نے میزبان ٹیم کو ہرا کر سیریز میں برتری حاصل کی تھی تاہم آسٹریلوی ٹیم نے کم بیک کرتے ہوئے دوسرا ٹیسٹ جیت کر سیریز برابر کر دی تھی، تیسرے ٹیسٹ میں دونوں ٹیمیں کوشش کریں گی کہ فتح حاصل کر سیریز میں برتری حاصل کی جائے اسلئے دونوں ٹیموں کے درمیان سخت مقابلے کی توقع کی جا رہی ہے، دونوں ٹیموں کے درمیان چوتھا اور آخری ٹیسٹ 3 سے 7 جنوری تک کھیلا جائے گا۔