اسلام آباد( رپورٹنگ ٹیم) نوازشریف کے استقبال کیلئے ن لیگی کارکنان کی بڑی تعداد اور سینئر رہنما بھی عدالت کے باہر موجود رہے۔ کارکنان نے ہاتھوں میں پھولوں کے شاپنگ بیگ اٹھارکھے تھے اور اپنے لیڈر کا انتظار کرتے رہے۔ فیصل آباد ،ا ٹک ، چکوال ، پنڈی سمیت دیگر شہروں سے بڑی تعداد میں کارکنان اسلام آباد پہنچے ۔ کارکنان کی بڑی تعداد کو دیکھتے ہوئے عدالت کے باہر سیکورٹی مزید سخت کر دی گئی۔کارکنان نوازشریف اورمریم نواز کے حق میں نعرے بلند کر تے رہے ۔