کراچی (بزنس رپورٹر) میڈی کیم کے این اکیڈمی، دی آرکیڈ اسکول کے منیجنگ ڈائریکٹر جنید خلیل نینی تال والا کی جانب سے گلشن اقبال ٹائون یوسی21کو الیکٹرک گاڑی دیئے جانے پر دی آرکیڈ اسکول گلشن اقبال برانچ میں تقریب کا انعقاد کیا گیا۔ تقریب میں ڈائریکٹر میڈی کیم گروپ ظفر ریاض باری، چیئرمین ڈسٹرکٹ ایسٹ معید انور نے خصوصی طور پر شرکت کی جبکہ دیگر مہمانوں میں وائس چیئرمین عبدالرئوف یوسی21کے چیئرمین عدنان سمیت منتخب کونسلرز ودیگر شامل تھے۔ جنید خلیل نے کہا کہ ڈسٹرکٹ ایسٹ کو سرسبزو شاداب بنانے میں چیئرمین میڈی کی رہنمائی میں اپنا کردار ادا کررہے ہیں۔ امید ہے کہ الیکٹرک گاڑی سے یوسی 21میں اسٹریٹ لائٹس کی تنصیبات کا کام مزید آسان ہوسکے گا۔