کراچی (اسٹاف رپورٹر) گورنر سندھ عمران اسماعیل نے کراچی میں واقع کلفٹن کڈنی اینڈ جرنل ہسپتال کا دورہ کیا بعدازاں گورنر سندھ ویلفیئر سوسائٹی فارپیشنٹس کیئر کے زیر اہتمام چلنے والے اسٹیٹ آف دی آرٹ ہسپتال بھی گئے جہاں چوبیس گھنٹے ڈاکٹرز اور ایمرجنسی سہولیات کے علاوہ پچاس بیڈوں، ریڈیالوجی ڈپارٹمنٹ، اوپی ڈی، لیبارٹری سمیت دیگر سہولیات بھی موجود ہیں۔ اس پر گورنر سندھ نے کہا کہ غریب اور مستحق افراد کے لئے بنا کسی معاوضے کے اعلیٰ سہولیات کی فراہمی کے سلسلے میں ویلفئیر سوسائٹی فارپیشنٹس کیئر کی خدمات لائق ستائش ہیں۔