کراچی(اسٹاف رپورٹر)ہومیو پیتھک طریقہ علاج کی افادیت اور اہمیت کے پہلو کو اجاگر کرنے کے لیے پاکستان سینٹرل ہومیوپیتھک میڈیکل کالج و اسپتال ناظم آباد نے گورنمنٹ سٹی کالج موسیٰ کالونی میں مفت طبی کیمپ لگایا۔پرنسپل ڈاکٹر مختار احمد نے ہومیو پیتھک طریقہ علاج پر لیکچر دیا۔کیمپ میں ڈاکٹر حافظ محمد اشفاق، ڈاکٹر شیخ محمد سعود اور ڈاکٹر مدیحہ سحر نے خدمات انجام دیں۔سٹی کالج کے پرنسپل قدیر غوری اور دیگر اساتذہ نے کیمپ کے انعقاد کو سراہا۔