کراچی(اسٹاف رپورٹر)تیز رفتار گاڑیوں کی ٹکر سے بچے سمیت 3افراد جاں بحق اور موٹر سائیکلیں ٹکرانے کے نتیجے میں 4افراد شدید زخمی ہوگئے۔ تفصیلات کے مطابق قصبہ کالونی کے علاقے اسلامیہ کالونی میں تیز رفتار گاڑی کی ٹکر سے بچہ جاں بحق ہوگیا۔پولیس نے بتایا کہ متوفی کی شناخت 5سالہ عمر گل ولد ثابت خان کے نام سے ہوئی ہے۔وہ گھر کے قریب کھیل رہا تھا کہ کوچ نے کچل دیا۔کلفٹن دو تلوار ا نڈر پاس کے قریب گاڑی کی ٹکر سے 35سالہ نامعلوم شخص ہلاک ہوگیا۔ کلری کے علاقے ماڑی پور روڈ نالہ اسٹاپ کے قریب گاڑی کی ٹکر سے 25سالہ محمد رمضان ولد اللہ بخش چل بسا۔متوفی کی جیب سے ملنے والے شناختی کارڈ پر پنجاب کا پتہ درج ہے۔مائی کلاچی روڈ پر موٹر سائیکل پھسلنے سے سوار 45سالہ قادر ولد سبحان ،ماڑی پور روڈ کے قریب 2موٹر سائیکلیں ٹکرانے کے نتیجے میں 4افراد 10سالہ رحمان ولد اعظم، 35سالہ اعظم ولد ظہور طالب خان، 30سالہ حسن ولد خان صاحب اور 23سالہ شاہد ولد حسین شاہ زخمی ہوگئے۔چاروں زخمیوں کی حالت تشویشناک بتائی جاتی ہے۔