کراچی (اسٹاف رپورٹر) لیاری میں گھر کی چھت گرنے سے بچہ اور 2 خواتین زخمی ہوگئیں۔ تفصیلات کے مطابق سلاٹر ہاؤس کے ایم سی اسپتال چھاچھی محلہ گبول مسجد کے قریب واقع مکان کی چھت گرنے سے 2خواتین اور بچہ ملبے تلے دب گئے۔ اطلاع ملتے ہی امدادی ٹیموں اور پولیس نے زخمی افراد کو ملبے سے نکال کر سول اسپتال منتقل کیا۔بغدادی پولیس کے مطابق اسپتال میں زخمیوں کی شناخت 40سالہ افشاں زوجہ ندیم، 45سالہ زرینہ زوجہ اللہ رکھا اور 6سالہ آصف ولد اسلام کے نام سے ہوئی ہے۔پولیس کا کہنا کہ بچے کومعمولی چوٹیں آئی ہیں جبکہ خواتین زیادہ زخمی ہیں، تاہم انکی حالت خطرے سے باہرہے۔