کراچی(اسٹاف رپورٹر)قائد آباد میں گھر میں گھس کر خاتون کے ساتھ زیادتی کی کوشش کرنے والے ملزم کو خاتون کے شوہر اور علاقہ مکینوں نے پکڑ کر تشدد کا نشانہ بنایا اور پولیس کے حوالے کردیا۔تفصیلات کے مطابق قائد آباد کے علاقے مسلم آباد میں بدھ اور جمعرات کی درمیانی شب ملزم قمر علی اپنے پڑوس میں رہائش پذیر(ن) کے گھر میں داخل ہوا اور زیادتی کا نشانہ بنانے کی کوشش کررہا تھا کہ خاتون کے شور مچانے پر اس کا شوہر اٹھ گیا، جب کہ علاقہ مکین بھی جمع ہوگئے، جنہوں نے ملزم کو پکڑ کر بدترین تشدد کا نشانہ بنایا۔واقعہ کی اطلاع ملتے ہی پولیس نے پہنچ کرملزم قمر علی کو گرفتار کرکے اسکے خلاف مقدمہ درج کرلیا۔