کراچی(اسٹاف رپورٹر)درخشاں پولیس نے مساج پارلر پر چھاپہ مار کر 6 خواتین سمیت 10 افراد کو فحاشی کے الزام میں گرفتار کرلیا۔ تفصیلات کے مطابق درخشاں پولیس نے مساج سینٹر پر کارروائی کرتے ہوئے 4 مردوں اور 6 خواتین کو گرفتار کرلیا جو غیر اخلاقی سرگرمیوں میں ملوث ہیں۔ پولیس کا کہنا ہے کہ گرفتار ہونے والے ملزمان میں عظیم، مون خاص خیلی، رضا، عثمان، طیبہ، مریم، ناہیدہ، اسما، فرح اور تہمینہ شامل ہیں۔ ملزمان مساج پارلر کی آڑ میں فحاشی کا اڈہ چلا رہے تھے۔ ملزمان سے تفتیش کی جارہی ہے۔