کراچی (اسٹاف رپورٹر)گلشن اقبال کے ڈی اے مارکیٹ کے پلازہ کے بیسمنٹ میں آتشزدگی سے لاکھوں روپے مالیت کا سامان جل گیا ، فائر بریگیڈ نے 5گھنٹے کی سخت جدوجہد کے بعد آگ پر قابو پالیا۔تفصیلات کے مطابق گلشن اقبال بلاک نمبر 3کے ڈی اے مارکیٹ میں واقع پلازہ کے بیسمنٹ میں جمعرات کی صبح ساڑھے 10بجے اچانک آگ بھڑک اٹھی جس کی اطلاع امدادی ٹیموں اور شہریوں نے مکینوں کو باہر نکا ل کر فائر بریگیڈ کو طلب کرلیا ۔ آگ پھیلنے کے خدشے پر واٹر بورڈ حکام نے نیپا ہائیڈرنٹ پر ایمرجنسی نافذ کرتے ہو ئے تمام ٹینکروں کو ہٹا لیا ،جبکہ متعدد ٹینکر بھی جائے حادثہ پر بھیج دیئے ،ترجمان نے بتایا کہ بیسمنٹ میں گودام تھے ، آگ لگنے سے لاکھوں روپے مالیت کا سامان جل گیا ہے جبکہ عملے نے 5گھنٹے کی جدوجہد کے بعد آگ پر قابوپالیا ۔