سرجانی میں صندوق سے تشدد زدہ لاش برآمد

کراچی (اسٹاف رپورٹر)سرجانی میں صندوق سے معمر شخص کی تشدد زدہ لاش ملی ،جبکہ اورنگی اور سرجانی میں فائرنگ واقعات میں 3افراد زخمی ہوگئے۔تفصیلات کے مطابق سرجانی میں بابو بروہی گوٹھ کی مرکزی سڑک پر لاوارث صندوق دیکھ کر علاقہ مکینوں نے پولیس کو اطلاع دی ۔پولیس نے موقع پر پہنچ کر صندوق کو کھولا تو اس میں سے تشدد زدہ لاش ملی ۔ایس ایچ او ادریس عالم بنگش نے ’’امت ‘‘کو بتایا کہ مقتول سےکوئی شناختی چیز نہیں ملی ۔لاش شناخت کیلئے سرد خانے میں رکھوادی گئی ہے ۔اورنگی پانچ نمبر پر حجام کی دکان میں ملزمان نے لوٹ مار کے دوران مزاحمت پر فائرنگ کرکے 2افراد خالد اور جمیل کو زخمی کر دیا ،جنہیں نجی اسپتال میں طبی امداد دی جارہی ہے ۔سرجانی کےیوسف گوٹھ کی جمن شاہ امام بارگاہ کے قریب فائرنگ سے 17سالہ جنید علی زخمی ہوگیا۔