سرگودھا (امت نیوز) سرگودھا کے علاقے پھلروان میں شادی کی تقریب کے دوران ہوائی فائرنگ سے 8 سالہ بچہ جاں بحق اور ایک شخص شدید زخمی ہوگیا۔واقعہ بستی حسین آباد میں مہندی کی تقریب کے دوران پیش آیا جہاں ظفر نامی شخص نشے میں دھت ہو کر اندھا دھند فائرنگ کررہا تھا کہ گن اسکے قابو سے باہر ہوگئی اور گولی آٹھ سالہ حفیظ کو جا لگی۔زخمی نذر ولد صدیق کو تشویشناک حالت میں سرگودھا ڈی ایچ کیو اسپتال ریفر کر دیا گیا۔