کراچی (اسٹاف رپورٹر)رضویہ پولیس نے شارٹ ٹرم کڈنیپنگ کی واردات ناکام بناتے ہوئے 2اغوا کاروں کو گرفتار کرکے مغوی بلڈربازیاب کرالیا۔تفصیلات کے مطابق رضویہ پولیس نے کارروائی کرتے ہوئے 2 اغوا کاروں فاضل اور فیصل کو گرفتار کرکے مغوی بازیاب کرالیا، ملزمان سے اسلحہ بھی ملا ہے۔ ایس ایچ او نواز بروہی کا کہنا ہے کہ ملزمان بلڈر ضیا الحسن کو اغوا کے بعداسے رکشہ میں گھما رہے تھے کہ پولیس کواطلاع مل گئی، جس پردونوں کو دھرکربلڈر بازیاب کرالیا گیا، ملزمان عادی مجرم ہیں اور حال ہی میں جیل سے رہا ہوکر آئے تھے، ملزمان نے لین دین کے تنازع پر بلڈر کو اغوا کیا تھا ، ملزمان سے تفتیش کی جارہی ہے۔