کراچی(اسٹاف رپورٹر)گلشن اقبال پولیس نے شیشہ، فلیورز کے گودام پر چھاپہ مار کر لاکھوں روپے مالیت کا سامان برآمد کرکے 2 ملزمان کو گرفتار کرلیا۔ تفصیلات کے مطابق گلشن اقبال پولیس نے بلاک 13ڈی ٹو میں ایک گودام پر چھاپہ مار کر بڑی مقدار میں شیشہ، فلیورز اور دیگر ممنوعہ سامان برآمد کرکے گودام سے دو ملزمان منصور اور وحید کو گرفتار کرلیا، پولیس کے مطابق گودام میں شیشہ، فلیورز اور دیگر ممنوعہ سامان موجودگی کی اطلاع پر کارروائی کی گئی ۔ ملزمان سے مزید تفتیش کی جا رہی ہے۔