حب( نمائندہ امت) روزنامہ امت خبر پر سی آئی اے پولیس کی کارروائی میں ساکران سے کراچی اسمگل کی جانیوالی 1152 کلو گرام چھالیہ ضبط کرکے 2 ملزم دھر لئے۔ ذرائع کے مطابق خفیہ اطلاع ملی تھی کہ بڑی مقدار میں چھالیہ کراچی لے جائی جا رہی ہے، انچارج سی آئی اے نے ٹیم کے ہمراہ کارروائی کرتے ہوئے 2اسمگلرز کو گرفتار کرکے 1152کلو چھالیہ برآمد کرلی، ملزمان کیخلاف مقدمہ درج کرلیا گیا ہے۔اسی طرح ایک اور کارروائی میں سی آئی اے نے ملزم عبدالغفار کو گرفتار کرکے آدھا کلوچرس اور 110گرام کرسٹل برآمد کرلی۔