کراچی(اسٹاف رپورٹر ) وومن پولیس ویسٹ زون نے سہراب گوٹھ کے قریب کارروائی کرتے ہو ئے شراب کی اسمگلنگ ناکام بناتے ہوئے 300 سے زائد بوتلوں سے بھری سوزوکی کو قبضے میں لے کر ڈرائیور کو گرفتار کرلیا، پولیس کا دعویٰ ہے کہ ملزمان نیو ائر کے موقع پر شراب مختلف علاقوں میں سپلائی کرنے جارہے تھے۔ تفصیلات کے مطابق وومن پولیس ویسٹ زون نے خفیہ اطلاع پر یوسف پلازہ کے علاقے شارع پاکستان سہراب گوٹھ کے قریب سپر ہائی وے سے آنے والی ایک سوزوکی ہائی روف نمبر CS-6796کو روک کر تلاشی لی تو اس میں موجود کارٹن سے 400کے قریب شراب کی بوتلیں برآمد ہو ئیں جس پر پولیس نے گاڑی اور شراب کو قبضے میں لیتے ہوئے ڈرائیور یاسر خان کو گرفتار کرلیا ،ایس ایس پی سینٹرل عارف اسلم راؤ نے بتایا کہ شراب کا ذخیرہ نئے سال کی تقریبات کے سلسلے میں کراچی کے مختلف علاقوں میں سپلائی کیا جانا تھا ،پولیس نے کارروائی کا مقدمہ ایس ایچ او وومن ویسٹ زون عظمی خان کی مدعیت میں درج کر کے مزید تفتیش شروع کردی ہے۔