ابو ظہبی (امت نیوز) متحدہ عرب امارات میں امدادی ہیلی کاپٹر گرنے سےپائلٹ سمیت 4 افراد ہلاک ہوگئے۔عرب میڈیا کے مطابق ریاست راس الخیمہ میں ہیلی کاپٹر اڑان بھرنے کے کچھ ہی دیر بعد آگ بھڑکنے سےہچکولے کھاتا ہوا گر کر تباہ ہوگیا۔ حادثے میں پائلٹ سمیت 4افراد ہلاک ہوگئے، جن میں 3اماراتی جبکہ ایک کا تعلق جنوبی افریقہ سے ہے۔ بعد ازاں ہیلی کاپٹر کا ملبہ پہاڑی سلسلے کی بلند ترین چوٹی جبل جیس سے مل گیا، جہاں سے لاشیں نکال کر اسپتال منتقل کی گئیں۔سول ایوی ایشن نےواقعےکی تحقیقات کیلئے کمیٹی تشکیل دیدی ہے۔