لاہور(امت نیوز ) سپورٹس بورڈ پنجاب کے زیراہتمام نئے ٹیلنٹ کی تلاش اور تربیت کیلئے لاہور سمیت 5شہروں میں انڈر16کھلاڑیوں کیلئے 7کھیلوں کے تربیتی کیمپ شروع ہوگئے ہیں، اس موقع پر رنگا رنگ افتتاحی تقاریب کا اہمتام کیا گیا، گوجرانوالہ میں پاور لفٹنگ اور ویٹ لفٹنگ ، سیالکوٹ میں والی بال کے کوچنگ کیمپ کی افتتاحی تقاریب کے مہمان خصوصی ڈائریکٹر جنرل سپورٹس پنجاب ندیم سرور اور تحریک انصاف کے رہنما عمر ڈار تھے، کیمپ میں دو سو کے قریب کھلاڑی حصہ لے رہے ہیں، ڈائریکٹر جنرل سپورٹس پنجاب ندیم سرور نے کوچنگ کیمپ کا افتتاح فیتہ کاٹ کر کیا۔