فیصل آباد(امت نیوز)پاکستان کبڈی فیڈریشن کے زیراہتمام کمشنر فیصل آباد کبڈی (سرکل سٹائل) چیمپیئن شپ( آج) بدھ سے اقبال سٹیڈیم فیصل آباد میں شروع ہو گی۔ جبکہ ٹرینگولر انٹرنیشنل کبڈی میچز سیریز 8 سے 14 جنوری تک سرگودھا، بہاولپور، ساہی وال اور لاہور میں کھیلی جائے گی، پاکستان کبڈی فیڈریشن کے سیکرٹری جنرل محمد سرور رانا نے بتایا کہ ایونٹ کی تمام تیاریاں مکمل کرلی گئی ہیں اور ٹورنامنٹ میں ملک بھر سے 13 ٹیمیں حصہ لے رہی ہیں۔