گلستان جو ہر میں آگ لگنے سے درجنوں جھگیاں جل گئیں

کراچی (اسٹاف رپورٹر)گلستان جو ہر آگ لگنے سے درجنوں جھگیاں جل گئیں۔ تفصیلات کے مطابق گلستان جو ہر کے علاقے بلاک نمبر 19میں واقع خالی پلاٹ میں قائم عارضی بستی میں پیر ومنگل کی درمیانی شب اچانک آگ بھڑک اٹھی، جس کی اطلاع ملتے ہی پولیس اور رینجرز کیساتھ امدادی ٹیم پہنچ گئی اور مکینوں کو باہرنکالنا شروع کردیا،جبکہ اطلاع ملنے پر 2فائر ٹینڈر بھی پہنچ گئے اور آگ پر قابو پانے کی کوشش شروع کردی، تاہم آگ کی شدت کو دیکھتے ہو ئے مزید 2فائر ٹینڈرطلب کئے گئے اور آگ پر ڈھائی گھنٹے کی جدوجہد کے بعد قابو پالیا گیا۔ ترجمان نے بتایا کہ درجنوں جھگیاں اور ان میں موجود سامان جل گیا، تاہم کوئی جانی نقصان نہیں ہوا ہے ۔