کراچی (اسٹاف رپورٹر)پولیس نے سال نو کے موقع پر ون وہیلنگ اور آتشبازی کرنے والے21 افراد دھر لئے۔ نیو کراچی پولیس نے مختلف سڑکوں پر ون وہیلنگ کرنے اور کرتب دکھانے والے موٹر سائیکل سوار نوجوانوں کے خلاف کارروائی کرتے ہو ئے 14نوجوانوں بلال ،حمزہ ،محمود ،ہمایوں ،یاسین ،فید،علی حسین فیصل ،ذاکر ،عمران ،عابد ،سمیر ،مبشر،حارث کو گرفتار کر کے ان کے خلاف مقدمہ درج کرتے ہو ئے 12موٹر سائیکل بھی ضبط کرلیں۔دریں اثنا رضویہ پولیس نے سال نو پر آتشبازی کے بعد رات گئے علاقے میں سرچ آپریشن کرتے ہوئے 4ملزمان آکاش ،شاہ زیب ،جاوید ،عبدالرزاق کو گرفتار کر کے بھاری مقدار میں آتش بازی کا سامان اور اسلحہ برآمد کرلیا، نیوکراچی پولیس نے کارروائی کرتے ہوئے ملزم رئیس کو گرفتار کر کے ہوائی فائرنگ میں استعمال ہو نے والی نائن ایم ایم پستول برآمد کرلی ،نیو کراچی پولیس نے 2ملزمان صاحبان ،حمیر حسین کو گرفتار کر کے آتش بازی کا سامان بھی برآمد کرلیا ۔