کراچی(اسٹاف رپورٹر)اے این ایف نے کراچی اور اندرون سندھ تعلیمی اداروں کے اطراف سے 5 منشیات فروشوں کو گرفتار کرکے بھاری مقدار میں منشیات برآمد کرلی، جبکہ ایک اور کارروائی میں ہزاروں لیٹر سلفیورک ایسڈ برآمد کرلیا۔تفصیلات کے مطابق اے این ایف نے کراچی ، حیدرآباد اور سکھر کے تعلیمی اداروں کے باہر آپریشن کرتے ہوئے منشیات فروشوں کو رنگے ہاتھوں گرفتار کرلیا۔ملزمان میں ندیم صدیق، غازی خان ، طاہر شاہ ، غلام علی اور وحید بخش شامل ہیں۔ملزمان کے قبضے سے 11 کلو گرام حشیش اور کرسٹل ہیروئن بھی ملی ہے۔ این ایف نے پی آئی سی ٹی پر چھاپہ مار کارروائی کرتے ہوئے کنٹینر سے 16 ہزار 886 لیٹر سلفیورک ایسڈ برآمد کرلیا ہے ۔