کراچی میں سنسنی خیز باسکٹ بال مقابلوں کا انعقاد

کراچی (اسپورٹس رپورٹر)کراچی باسکٹ بال کلب گروپ بی اور کلفٹن کراس اوور کلب گروپ سی کی ٹیمیں قائد اعظم ایس ایس بی کپ باسکٹ بال فیسٹیول ٹورنامنٹ سنیئر کٹیگری کے کوارٹر فائنل رائونڈ میں پہنچ گئیں۔پاکستان سپورٹس ویلفیئرایسوسی ایشن کے زیراہتمام سندھ سپورٹس بورڈ حکومت سندھ کے اشتراک سے آرام باغ باسکٹ بال کورٹ کراچی پر جاری قائد اعظم ایس ایس بی کپ باسکٹ بال فیسٹیول ٹورنامنٹ کی سنیئر کٹیگری میں گزشتہ روز کھیلے گئے میچ میں کلفٹن کراس اوور باسکٹ بال کلب نے مدمقابل عسکری الفاذ باسکٹ بال کلب کو40کے مقابلے میں53پوائنٹس سے شکست دے کر گروپ چیمپئن کا اعزاز حاصل کیا۔فاتح کلب کی جانب سے سعد خان15، ارتضیٰ حسن11،نعمان خان اور شہروز آصف نے10،10جبکہ رنر اپ کلب کی جانب سے شاہ میر ظہیر16،سید بختیار10اور حسام طلحہ نے6پوائنٹس سکور کئے۔کھیلے گئے میچ میں ریفریزکے فرائض جاوید خان،عامر غیاث، جمیل شیخ، اشرف یحییٰ،نذاکت خان اور طارق حسین نے انجام دیئے۔