کرکٹ میں آج تین اہم ٹیسٹ میچز کھیلے جائینگے

کیپ ٹائون (امت نیوز) جنوبی افریقہ اور پاکستان کی کرکٹ ٹیموں کے درمیان تین ٹیسٹ میچوں پر مشتمل سیریز کا دوسرا میچ (آج) جمعرات سے7جنوری تک کیپ ٹائون میں کھیلا جائیگا۔ میزبان ٹیم کو تین میچوں کی سیریز میں پاکستانی ٹیم کے خلاف1-0کی برتری حاصل ہے۔ نیوزی لینڈ اور سری لنکا کی کرکٹ ٹیموں کے درمیان تین ایک روزہ بین الاقوامی میچوں پر مشتمل سیریز کا پہلا میچ (آج)جمعرات کو مائونٹ مونگنوئی میں کھیلا جائے گا۔ مہمان سری لنکن ٹیم کو ٹیسٹ سیریز میں شکست کے بعد اب ایک روزہ سیریز میں کیویز کا چیلنج درپیش ہو گا۔آسٹریلیا اور بھارت کی کرکٹ ٹیموں کے درمیان چوتھا اور آخری ٹیسٹ میچ(آج) جمعرات سے سڈنی میں شروع ہوگا۔ مہمان بھارتی ٹیم کو سیریز میں2-1کی برتری حاصل ہے۔میزبان آسٹریلوی ٹیم آخری میچ جیت کر سیریز برابر کرنے کیلئے پرجوش ہے جبکہ دوسری جانب بھارتی ٹیم پہلی مرتبہ آسٹریلوی سرزمین پر ٹیسٹ سیریز جیت کر نئی تاریخ رقم کرنے کیلئے پر اعتماد دکھائی دے رہی ہے۔