کراچی(اسپورٹس رپورٹر)قائداعظم ڈے کے موقع پر کورنگی جیمخانہ اور سندھ اسپورٹس بورڈ کے اشتراک سے تین روزہ فیسٹیول فٹبال ٹورنامنٹ کا انعقاد کیا گیا جس کے فائنل میںمیزبان کورنگی جیمخانہ نے میچ مقررہ وقت تک ایک ایک گول سے برابر رہنے کے بعد پنالٹی ککس پر کورنگی فرینڈز کو5-4سے شکست دے کر فاتح ٹرافی اپنے نام کر لی‘ کورنگی جیمخانہ فٹبال اسٹیڈیم کے سبزہ زار پر ہونے والا یہ فائنل وقفہ تک ایک گول سے کورنگی فرینڈز کے حق میں تھا یہ گول کورنگی فرینڈز کے اسٹرائکر اویس نے کھیل ختم ہونے سے6منٹ قبل برابر کر دیا۔ میچ کو فیصلہ کن بنانے کے لئے پنالٹی ککس کا سہارا لیا گیا جس میں کورنگی جیمخانہ کے عزیز‘ ہمایوں‘ عبدالوہاب‘ اسامہ اور رؤف نے گول اسکور کئیے جبکہ حریف ٹیم کے ریاض‘ نعمان‘سنی اور وقاص گول کرنے میں کامیاب رہے حسن نے پنالٹی ککس گول پوسٹ کے باہر پھینک کر کورنگی جیمخانہ کو جیت کا موقع فراہم کیا‘ اس ٹورنامنٹ میں ڈسٹرکٹ کورنگی کے 8 کلبس نے حصہ لیا۔