بی اے-بی کام کی رجسٹریشن تاریخ میں توسیع

کراچی(اسٹاف رپورٹر)جامعہ کراچی نے بی اے ،بی کام پرائیوٹ، بی اوایل اور امپرومنٹ آف ڈویژن برائے بی اے ،بی کام اور بی ایس سی کیلئے رجسٹریشن فارم جمع کرانے کی تاریخ میں توسیع کردی ہے۔ناظم امتحانات کے مطابق طلبہ اپنے رجسٹریشن فارم 3800/=روپے فیس کے ساتھ 17جنوری تک جمع کراسکتے ہیں۔واضح رہے کہ مضمون تبدیلی کیلئے 1000/= روپے فیس کے ساتھ جبکہ فیکلٹی کی تبدیلی کے لئے 1500/=روپے فیس کے ساتھ انہی تاریخوں میں فارم جمع کرائے جاسکتے ہیں۔ طلبہ اپنی فیس ایچ بی ایل،یوبی ایل، نیشنل بینک ،ایم سی بی اور سندھ بینک کی کسی بھی برانچ میں جمع کراسکتے ہیں۔