اسلام آباد (مانیٹرنگ ڈیسک) وفاقی وزیر آبی وسائل فیصل واوڈا نے پیپلزپارٹی اور مسلم لیگ ن کا مہمند ڈیم کا کنٹریکٹ منسوخ کرنے کا مطالبہ مسترد کر دیا۔ وفاقی وزیر کا کہناہے کہ کنٹریکٹ منسوخی کا مطالبہ کرنے والے ڈیم کے خلاف سازش کر رہے ہیں۔ وفاقی وزیر آبی مسائل فیصل واوڈا نے کنٹریکٹ منسوخی سے صاف انکار کرتے ہوئے کہا کہ ہر سازش کو ناکام بناوں گا، ڈیم کے منصوبے سے پیچھے نہیں ہٹوں گا۔ انہوں نے کہا پیپلزپارٹی اور مسلم لیگ ن ڈیمز کے خلاف سازش کر رہی ہے، یہ عناصر ڈیمز کو متنازعہ بنا کر ملکی ترقی کو روکنا چاہتے ہیں کنٹریکٹ میں ہر چیز میرٹ پر ہوئی ہے، کسی کو تحقیقات کروانا ہے تو سو بسم اللہ۔ انہوں نے کہا کہ ڈیم ملک اور انکے لئے زندگی ہے اس سے قطعی طورپر پیچھے نہیں ہٹیں گے۔