قائرہ(امت نیوز) افریقن فٹ بالر آف دی ائیر ایوارڈ کے لئے کھلاڑیوں کے نام شارٹ لسٹ کر لیے گئے، مصری کھلاڑی کو فیورٹ تصور کیا جارہا ہے۔تفصیلات کے مطابق افریقن فٹ بالر آف دی ائیر ایوارڈ کے لیے ووٹنگ مکمل ہوگئی، نتائج کا اعلان آٹھ جنوری کو سینیگال میں ہوگا.لیور پول سے کھیلنے والے مصر کے محمد صلاح مسلسل دوسرے سال ایوارڈ جیتنے کے لئے فیورٹ تصور کیے جارہے ہیں، صلاح کے مداحوں نے نتائج کے اعلان سے قبل ہی جشن منانا شروع کر دیا ہے.واضح رہے کہ محمد صلاح کا شمار عہد حاضر کے مقبول ترین فٹ بالرز میں ہوتا ہے، ایک جانب جہاں یورپ ان کے کھیل کا گرویدہ ہے، وہیں مصر میں بھی ان کی مقبولیت اپنی انتہا پر ہے.عام خیال ہے کہ محمد صلاح مصری صدر کے بعد ملک کے سب سے مقبول شخص ہیں، اسی مقبولیت کے باعث توقع کی جارہی ہے کہ افریقہ پھر ان کے حق میں فیصلہ سنائے گا.اس کیٹیگری میں محمد صلاح کا مقابلہ مراکو کے کپتان بینتیا، سینگال کے کوئیلیبیلی، سینگال کے فارورڈ مینی، الٹلانٹو میڈریڈ کے مڈ فیلڈر پارٹی سے ہے۔