راولپنڈی (نمائندہ امت) روات کے صنعتی زون میں موجود فیکٹری مزدوروں کے رہائشی کمرہ میں گیس بھر نے سے دھماکے میں 1مزدور جاں کی بازی ہار گیا جبکہ 3 افراد شدید زخمی ہوئے ۔ ریسکیو 1122 کے مطابق فیکٹری کے قریب مزدوروں کا رہائشی کمرہ تھا شدید سردی کے باعث گیس کاسیلنڈر سردی کم کرنے کے لے جلایا جاتا تھا،گزشتہ رات کمرےکے اندر سلنڈر سے گیس لیک ہوتی رہی اور صبح سویرے آگ جلانے کے باعث اچانک دھماکہ ہو گیا جس کے نتیجے میں 3 افراد نوید ولد محمد بشیر سکنہ گوجرانوالہ،عامر ولد محمد اقبال سکنہ منڈی بہاوالدین، زمین شاہ ولد الطاف سکنہ اٹک شدید زخمی ہو گئے جبکہ یشفاء ولد مقبول حسین سکنہ گوجرانوالہ موقع پر ہی دم توڑ گیا زخمیوں کو ریسکیو 1122 نے فوری طور پر راولپنڈی کے مختلف ہسپتالوں میں منتقل کر دیا۔