کراچی(اسٹاف رپورٹر)ایس ایس پی ضلع وسطی عارف اسلم راؤ نے اتوار کو ضلع بھر میں پولیس کی خواتین ملازمین کو ڈیوٹی کیلئے پک اینڈ ڈراپ کی سرکاری سہولت فراہمی کے منصوبے کا افتتاح کر دیا ہے ۔افتتاح کی تقریب وومن تھانہ ویسٹ زون میں ہوئی ۔ وومن ویسٹ زون پولیس اسٹیشن اوردیگرتھانوں میں تعینات خواتین اہلکار مخصوص پوائنٹس سے سرکاری گاڑی میں سوار ہوسکیں گی اور ان کو ڈیوٹی ختم ہونے کے بعد مخصوص جگہ پر اتارا جائے گا ۔اس موقع پر وومن تھانے کی ایس ایچ اوعظمیٰ خان کا کہنا ہے کہ سی این جی کی بندش یا دیگر مسائل کی وجہ سے خواتین اہلکاروں کو ڈیوٹی پر پہنچنے میں مشکلات کا سامنا تھا۔