کراچی(اسٹاف رپورٹر)ڈائریکٹر انفارمیشن زینت جہاں نے کراچی پریس کلب کا دورہ کرکے ڈیموکریٹس پینل کے نومنتحب عہدیداروں کو سالانہ انتخابات میں شاندار کامیابی پر مبارکباد دی۔نومنتخب صدر امتیاز فاران اور جنرل سیکرٹری ارمان صابر سے ملاقات کے دوران زینت جہاں نے کہا کہ پریس کلب ایک ایسا عوامی فورم بن چکا ہے ، جہاں مختلف شعبہ ہائے زندگی کے افراد آزادی سے اپنا نقطہ نظر بیان کرسکتے ہیں۔ انہوں نے امید ظاہر کہ کہ نومنتخب عہدیداران کلب کی ماضی کی اعلیٰ روایات کو قائم رکھیں گے۔ انہوں نے امتیاز فاران کو گلدستہ بھی پیش کیا۔