لاہور(امت نیوز ) پنجاب یونیورسٹی کے زیر اہتمام ایچ ای سی انٹر ورسٹی مینزفٹ بال چیمپیئن شپ کے 42ویں ایڈیشن کاآغازہوگیا، پاکستان فٹ بال فیڈریشن کی نومنتخب باڈی کے ممبران نائب صدر پاکستان فٹ بال فیڈریشن سردارنویدحیدر‘ایگزیکٹو کمیٹی کے ممبرمیاں رضوان علی نے خصوصی دعوت پر آل پاکستان انٹر ورسٹی مینزفٹ بال چیمپیئن شپ کی افتتاحی تقریب میں بطور مہمان خصوصی شرکت کی، اس موقع پر جامعات کے فٹبالرزسمیت منتظمین نے نائب صدر پی ایف ایف سردارنوید حیدرسے ملاقات کی اور فٹ بال کے فروغ سمیت دیگر معاملات میں سردارنویدحیدر کیساتھ تعاون جاری رکھنے کے عزم کااظہارکیا، آل پاکستان انٹرورسٹی فٹ بال چیمپیئن شپ میں ملک بھر سے مختلف جامعات کی ٹیمیں شریک ہیں جن کے مابین مقابلے دس جنوری تک پنجاب یونیورسٹی گراونڈمیں جاری رہیگے۔