کراچی (اسٹاف رپورٹر) اورنگی ٹاون میں وین میں آتشزدگی کے نتیجے میں بچے جھلسنے کے بعد ٹریفک پولیس کو ہوش آگیا۔ شہر کے مختلف علاقوں میں سی این جی سلنڈر لگے اسکول وینز کے خلاف کریک ڈاو ¿ن شروع کردیا گیا۔ آپریشن کا آغاز شارع فیصل پر واقع نجی اسکولز کے باہر کھڑی گاڑیوں سے کیا گیا۔ مالکان کو فوری طور پر سی این جی سلنڈرز نکلوانے کی تنبیہ کے ساتھ ساتھ چالان بھی کیا گیا، ایس پی کا کہنا تھا کہ اسکول وینز میں ہمارے مستقبل کے معمار سفر کرتے ہیں۔ مالکان کی لاپرواہی برداشت نہیں کر سکتے دوسری جانب اسکول وینز مالکان کا کہنا ہے کہ اگر سی این جی کے بجائے پیٹرول پر گاڑیاں چلائیں گے تو اس کا بوجھ والدین کی جیبوں پر پڑے گا ۔