امریکی معمرسائیکلسٹ سے ریکارڈ واپس لے لیا گیا

نیویارک (امت نیوز)امریکا کے ماسٹرز ٹریک نیشنل چمپئن شپس میں 90 سال سے 94 سال کی عمر کے گروپ کے مقابلوں میں عالمی ریکارڈ بنانے والے 90 سالہ سائیکلسٹ کارل گروف سے مثبت ڈوپنگ ٹیسٹ کے بعد ریکارڈ واپس لے لیا گیا۔آسٹریلوی میڈیا رپورٹ کے مطابق 90 سالہ امریکی سائیکلسٹ ڈوپنگ ٹیسٹ میں ناکام رہے۔کارل گروف نے گزشتہ برس جولائی میں امریکی ماسٹرز ٹریک نیشنل چمپئن شپس میں عالمی ریکارڈ بنایا تھا۔امریکی اینٹی ڈوپنگ ایجنسی کے مطابق کارل گروف سے مثبت ڈوپنگ ٹیسٹ کے باعث ٹائٹل واپس لے لیا گیا ۔انہوںنے کہا کہ معمر سائیکلسٹ کے مثبت ٹیسٹ کی وجہ ریس سے قبل ملاوٹ شدہ گوشت کھانا تھی۔اینٹی ڈوپنگ ایجنسی نے کہا کہ کارل گروف نے اس کے علاوہ دیگر ملاوٹ شدہ چیزیں بھی کھائیں اور خود اعتراف بھی کیا کہ انہوں نے اینٹی ڈوپنگ قوانین کی خلاف ورزی کی ہے۔