کراچی (اسٹاف رپورٹر) اورنگی ٹاؤن میں بچے کو اغواءکرنے والے ملزم کوپولیس نے گرفتار کرلیا، گرفتار ہونے والا ملزم قتل کے الزام بھی پہلے گرفتار ہوچکا ہے ، تفصیلات کے مطابق اقبال مارکیٹ کے علاقے اورنگی ٹاؤن ملت کالونی میں ملزم گھر کے قریب کھیلنے والے 8 سالہ (س ) کو چیز دلانے کے بہانے کے اغواءکرنے کی کوشش کررہا تھا کہ بچے نے رونا شروع کردیا ، بچے کی چیخ و پکار سن کر علاقہ مکین اور گشت پر مامور پولیس موبائل موقع پر پہنچ گئی پولیس نے ملزم بخت زمین کو گرفتار کرکے بچے کو با حفاظت بازیاب کروالیا۔پولیس کا کہنا ہے کہ گرفتار ہونے والا ملزم بخت زمین مومن آباد تھانے میں قتل کے کیس میں گرفتار ہوچکا ہے اور جیل سے ضمانت پر رہا ہوکر آیا تھا۔