کراچی(اسٹاف رپورٹر)منگھوپیر میں پی ایم ٹی میں آتشزدگی جبکہ اورنگی میں گھر میں کام کے دوران جھلس کر خاتون سمیت 2 افراد زخمی ہوگئے۔تفصیلات کے مطابق منگھو پیر مزار کے قریب ٹرانسفارمر میں آگ لگنے کے نتیجے میں ایک شخص جھلس گیا۔پولیس اورریسکیو عملے نے زخمی کو قریبی اسپتال پہنچایا، جہاں اس کی شناخت 35سالہ بشیرولد کریم کے نام سے ہوئی ہے۔پولیس کے مطابق زخمی کو طبی امداد کے بعد گھر روانہ کردیا گیا۔اورنگی سیکٹر ساڑھے گیارہ میں گھر کے اندر کام کے دوران 32سالہ نصرت زوجہ خرم جھلس کر زخمی ہوگئی۔