چکوال(نمائندہ امت )کلر کہار کے قریب چکوال روڈ پر چار مسلح ڈاکوؤں نے بارتیوں سے بھری ویگن اور 4دیگر گاڑیوں کو لوٹ لیا، چن پیر شاہ ولد گل پیر شاہ ساکن کرولی پیراں نے پولیس کو بتایا کہ وہ گزشتہ رات آٹھ بجے کلر کہار سے چکوال اپنی کار پر جارہا تھا کہ چھمبی موڑ سے اترائی پرپتھر ڈال کر راستہ بند کیا ہوا تھا۔ جنہوں نے رکنے کا اشارہ کیا، تین آدمی بمعہ اسلحہ گاڑی کے پاس آگئے اور گاڑی سے نیچے اتر کر ایک آدمی نے میری تلاشی لی اور تمام کاغذات نکال لیے جس میں میرا شناختی کارڈ، ڈرائیونگ لائسنس اور تین سے چار عدد اے ٹی ایم کارڈز اور گاڑی کے کاغذات چھین لیے، میرے سامنے ایک اور ہائی ایس جس میں باراتی سوار تھے اور ایک عدد کار اور موٹر سائیکل بھی موجود تھے، اس کے بعد تقریباً تین عدد گاڑیاں اور آئیں جنہیں ملزمان نے اسلحے کی نوک پر سب سے نقد رقم ،زیورات چھین لیے اور رات کی تاریکی میں فرار ہوگئے۔