محراب پور (نمائندہ امت) ہالانی میں 8 من بھنگ پکڑی گئی، جو روہڑی سے دو کاروں میں لائی جا رہی تھی۔ پولیس نے ایک ملزم گرفتار کر لیا، جبکہ دو فرار ہو گئے۔ تفصیلات کے مطابق نیشنل ہائی وے پر ہالانی پولیس کے ایس ایچ او عبداللہ اعوان کی کامیاب کاروائی۔ ذرائع کے مطابق ہالانی پولیس کو دوران گشت خفیہ اطلاع ملی کہ منشیات فروش بھنگ کی بڑی مقدار دو کاروں میں لے کر جا رہے ہیں جس پر ایس ایچ او ہالانی عبداللہ اعوان نے فوری کارروائی کرتے ہوئے نیشنل ہائی وے پر جوگی ولیج کے قریب کامیاب کارروائی کرکے ایک منشیات فروش ممتاز بھٹو کو گرفتار کرلیا جبکہ ملزم کے دو ساتھی فرار ہونے میں کامیاب ہوگئے پولیس نے ملزم کے قبضے سے 08 کٹے بھنگ جس کا وزن 4 من بتایا جاتا ہے برآمد کرلی ۔ملزم ممتاز بھٹو کا تعلق روہڑی سے بتایا جاتا ہے ہالانی پولیس نے ملزم کیخلاف منشیات ایکٹ کے تحت مقدمہ در ج کرلیا ہے۔