کراچی(اسٹاف رپورٹر) جعلی پولیس مقابلے میں مارے جانے والے نقیب اللہ محسود کی پہلی برسی آج منائی جائے گی۔اس حوالے سے قرآن خوانی کا اہتمام ظہر سے عصر کے درمیان جرگہ ہال سہراب گوٹھ میں کیا جائے گا۔عصر کی نماز سے پہلے نقیب اللہ محسود شہید کے والد اور کراچی گرینڈ جرگہ کے نمائندگان پریس کانفرنس کریں گے ۔واضح رہے کہ مذکورہ مقابلے کے بعد اعلیٰ سطحی تحقیقاتی ٹیم تشکیل دی گئی تھی اور اس میں سابق ایس ایس پی ملیر رائو انوار کی گرفتاری عمل میں آئی تھی ، تاہم مقابلہ کرنے والی پولیس پارٹی کے دیگر افسران اس کے بعد سے مفرور ہیں اور کئی ماہ گزرجانے کے باوجود پولیس مفرور پیٹی بند بھائیوں کا سراغ نہیں لگاسکی، جب کہ کیس میں رائو انوار عدالت سے ضمانت پر رہا ہوچکے ہیں۔