میلبورن (امت نیوز) سال کے پہلے گرینڈ سلام ٹینس ٹورنامنٹ آسٹریلین اوپن کا آغاز (آج) پیر سے ہو گا، راجر فیڈرر مینز اور کیرولین وزنائیکی ویمنز سنگلز ایونٹس میں اعزازات کا دفاع کریں گی۔ تفصیلات کے مطابق 27 جنوری تک جاری رہنے والے ایونٹ میں دنیائے ٹینس کے نامور مردوخواتین کھلاڑی مختلف کیٹگریز کے مقابلوں میں ٹائٹلز کے حصول کیلئے قسمت آزمائی کریں گے، شہرہ آفاق سوئس سٹار اور ریکارڈ 20 مرتبہ کے گرینڈ سلام چیمپئن راجر فیڈرر مینز سنگلز ٹائٹل کا دفاع کریں گے۔