اسلام آباد (امت نیوز)جوبلی انشورنس چوتھی قومی انڈر 18 سنوکر چیمپئن شپ میں عمر خان، حمزہ الیاس، کامران البرٹ مسیح، احسان یوسف، محمد نسیم اختر، شیخ محمد مدثر، شاہ زیب ملک اور شہریار خان کوارٹر فائنل میں پہنچ گئے۔ اتوار کو پاکستان سپورٹس کمپلیکس اسلام آباد میں جاری چیمپئن شپ میں کھیلے گئے پری کوارٹر فائنلز میں احسان یوسف نے سجاد عبداللہ کو 4-3 فریمز سے زیر کر کے کوارٹر فائنل میں پہنچنے کا اعزاز حاصل کیا، کامران البرٹ نے فیصل ابرار کیانی کو 4-2 فریمز سے ہرا کر کوارٹر فائنل میں جگہ بنائی، محمد نسیم اختر نے شہریار عباس کو یکطرفہ مقابلے میں 4-0 فریمز سے ہرا کر کوارٹر فائنل کیلئے کوالیفائی کیا، عمر خان نے محمد فیصل کو 4-1 سے ہرا کر کوارٹر فائنل تک رسائی حاصل کی، شیخ محمد مدثر نے شیخ قمبر کو زیر کر کے کوارٹر فائنل میں جگہ بنائی، شہریار خان نے شیراز رضا اور شاہ زیب ملک نے محمد رفیق کو شکست دے کر کوارٹر فائنل کیلئے کوالیفائی کیا۔