کراچی(اسٹاف رپورٹر) مختلف علاقوں میں ڈکیتی مزاحمت پرملزمان کی فائرنگ سے 5 افراد زخمی ہو گئے ۔ تفصیلات کے مطابق احسن آباد کے علاقے دلدار عمرانی گوٹھ میں ڈکیتی مزاحمت پر ملزمان نے 50 سالہ مجید ولد عبداللہ کو فائرنگ کر کے شدید زخمی کردیا اور فرار ہوگئے ۔ریسکیو ایمبولینس نے زخمی کو اسپتال منتقل کیا۔ لیاقت آباد 9نمبر چربی گلی میں ملزمان کی فائرنگ سے 35سالہ نعیم زخمی ہو گیا۔ شریف آباد ایف سی ایریا ٹنکی گرا ؤ نڈ کے قریب ڈکیتی مزاحمت پر گولی مار کر 17سالہ شعیب کو زخمی کردیاگیا ۔ غنی چورنگی پر 28سالہ بشیر اور پٹھان کالونی کے ایم سی اسکول ربانی محلہ میں 24سالہ زکریا ملزمان کی فائرنگ سے زخمی ہو گئے ، پولیس کے مطابق تمام زخمیوں کی حالت تسلی بخش ہے۔