کراچی(اسٹاف رپورٹر )اہلسنّت والجماعت کے تحت مرکز اہلسنت سمیت شہر کے مختلف مقامات اور ملک بھر میں”ہفتہ مدح صحابہؓ “ کے عنوان سے تقاریب کا انعقاد جاری ہے ، جن سے خطاب کرتے ہوئے علامہ اورنگزیب فاروقی ، ربنواز حنفی ، تاج حنفی ، سید محی الدین شاہ و دیگر نے کہا کہ ’’ہفتہ مدح صحابہؓ“ امت کے نوجوانوں کو ایک بہترین زندگی کی جانب گامزن کرے گا۔صحابہ کرامؓ ہی وہ عظیم ہستیاں ہیں، جنہوں نے دین اسلام کو تاقیامت امت تک پہنچایا ہے۔ انہوں نے کہا کہ دین کی سربلندی کیلئے صحابہ کرامؓ کی قربانیوں بے شمار ہیں۔اگرہم صحابہ کرامؓکوفراموش کردیں گے تو دین کبھی بھی مکمل نہیں ہوسکتا۔ مسلمان دنیا و آخرت کی فلاح و کامرانی کیلئے صحابہ کرامؓ کے بتائے ہوئے طریقوں پر عمل پیراہونا پڑے گا۔