کراچی (بزنس رپورٹر) پاکستان کے سب سے بڑے پراپرٹی پورٹل زمین ڈاٹ کام کے تحت زمین پراپرٹی ایکسپو کا انعقاد کیا گیا، جس میں نمائش کے افتتاح معروف کاروباری شخصیت اور چیئرمین اے کے ڈی گروپ عقیل کریم ڈھیڈی نے سی ای او زمین ڈاٹ کام ذیشان علی خان کے ہمراہ کیا۔ انہوں نے کامیاب ایکسپو پر زمین کام کو مبارکباد پیش کی اور رئیل اسٹیٹ انڈسٹری کی تعمیر وترقی کیلئے زمین ڈاٹ کام کے کردار کو سراہا۔ بعدازاں کراچی چیمبر کے وفد نے بھی ٹی ایکسپو کا دورہ کیا۔ اس موقع پر زمین ڈاٹ کام کے سی ای اوذیشان علی خان کا کہنا تھا کہ زمین ڈاٹ کام ملک میں پراپرٹی مارکیٹ کی تعمیر وترقی کیلئے کوشاں ہے۔ ایونٹ کے دونوں دن شہریوں خاندان کے ہمراہ کی بڑی تعداد نے ایکسپو سینٹر کارخ کیا، جہاں انہوں نے مختلف منصوبوں میں اپنی دلچسپی کا اظہار کیا۔ اس ایکسپو میں سرمایہ کاروں کی جانب سے مختلف منصوبوں کی موقع پر ڈیلز بھی کی گئی۔ زمین پراپرٹی ایکسپو میںلاہور، کراچی اسلام آباد سمیت پورے پاکستان سے نمائش کنندگان موجود تھے۔ فروری میں زمین پراپرٹی ایکسپو لاہور، جبکہ مارچ میں اسلام آباد میں کیا جائے گا، جبکہ اپریل میں پہلی بار پشاور میں بھی پراپرٹی کی نمائش منعقد کی جائے گی۔