کراچی(اسٹاف رپورٹر)میئر کراچی وسیم اختر نے کہا ہے کہ لی مارکیٹ کے دکانداروں کو 6 دن کی مہلت دی ہے ،تاکہ وہ اپنا سامان ہٹالیں۔ان کو قریب ہی متبادل جگہ دی جائے گی۔تاجر برادری ہمارے ساتھ تعاون کرے۔ انہوں نے کہا کہ میئر کراچی تنہا کوئی فیصلہ نہیں کرتا۔سپریم کورٹ کی ہدایت پر تمام سرکاری اداروں کے مشترکہ فیصلوں کے تحت شہر میں ہیری ٹیج قرار دی گئی عمارتوں کی بحالی اور پارکس، نالوں اور فٹ پاتھوں پر قائم تجاوزات ہٹانے کی کارروائی کی جاتی ہے۔