کراچی (اسٹاف رپورٹر)اورنگی موبائل مارکیٹ کی 2دکانیں لوٹ لی گئیں ۔تفصیلات کے مطابق گذشتہ صبح اورنگی نمبر 5 کی موبائل مارکیٹ میں 3موٹر سائیکلوں پر 6 ملزم آئے ۔تین مارکیٹ کےباہر کھڑے ہوگئے جبکہ تین د ودکانوں سے لاکھوں روپے کے درجنوں موبائل لوٹ کر فرار ہو نے لگے تو گارڈ نے مزاحمت کرتے ہو ئے گولی چلا دی ۔جواب میں ملزمان فائرنگ کرتے ہو ئے فرار ہو گئے ۔ دکانداروں کے احتجاج پر پولیس کی بھاری نفری پہنچ گئی ۔پولیس نے بتایا کہ ابتدائی تفتیش میں معلوم ہوا ہے کہ ملزمان صرف دو تھے ایک نے دکانوں میں لوٹ مار کی جبکہ گارڈ کی مزاحمت کے ثبوت نہیں ملے انہوں نے کہا کہ واردات 11بجے ہوئی اس وقت تک مارکیٹ نہیں کھلتی اور صرف ایک دکان کے کاؤنٹر کے شیشے ٹوٹے ملے ہیں ،تاہم واردات پراسرار ہے مقدمہ درج کر کےتفتیش شروع کردی ہے ۔