تنازع جائیدادپربنوں میں بھائی کے ہاتھوں بھائی قتل

بنوں (نمائندہ امت )جائیدادکے تنازع پر بھائی نے بھائی کو قتل کر دیا ذرائع کے مطابق تھانہ بسیہ خیل کی حدود میں واقع دیہاتی علاقہ کچکوٹ اسد خان میں گزشتہ روزنعمت اللہ نے اپنے بھائی حاجی نبی اللہ ولد محمد زبان سکنہ کچکوٹ اسد خان کو فائرنگ کرکے قتل کر دیا وجہ عداوت جائیداد پر تنازع بتایا گیا ہے لطلاعات کے مطابق اس سے پہلے بھی ان کے درمیان لڑائی جھگڑے ہوئے ہیں پولیس نے رپورٹ درج کرکے تفتیش شروع کر دی ۔ تھانہ صدر پولیس نے2 اشتہاریوں کو گرفتار کرکے اسلحہ بر آمد کرلیاڈسٹرکٹ پولیس آفیسر یاسر آفریدی کو مخبر کی اطلاع تھی کہ مجرمان اشتہاری ریاض عرف پوڈری ولد گل قد آیاز سکنہ اسماعیل خانی، فہد خان ولد عابد شفیق سکنہ آمندی شیخ امیر علاقہ اسماعیل خانی حجرہ ریاض خان میں موجود ہیںجس پر پولیس نے چھاپہ مار کر ملزمان کو گرفتار کرکے 2عدد کلاشنکوف، ایک عدد پستول 30بور، تین عدد میگزین اور 66عدد کارتوس برآمد کر لیے تھانہ منڈان پولیس نےمنشیات فروش اور پولیس کو مطلوب مجرم رحیم اللہ کی منشیات سمگلنگ کی اطلاع پر جوجی کلہ منڈان کے مقام پر ناکہ بندی کرکے ملزم رحیم اللہ عرف رحیمی ولد رسول خان سکنہ سوکڑی بہادر خیل سکنہ پاکر گرفتار کرکے 2020گرام چرس اور ایک پستول 30بور برآمد کیا ۔