امریکہ میں طوفانی بگولے سے متعدد گھر-چرچ تباہ

الباما(امت نیوز) امریکی ریاست الباما میں طوفانی بگولے نے تباہی مچا دی،متعدد مکانات اور گاڑیاں تباہ ہو گئیں۔ تفصیلات کے مطابق بگولے نے وسطی الباما کو نشانہ بنایا، تباہ کاری سے بچنے کیلئےمقامی لوگوں نے گھروں کے تہ خانوں میں پناہ لی۔پولیس کا کہنا تھا کہ بگولے کی زد میں آنے والے 7 گھروں کے علاوہ 100سالہ قدیم چرچ بھی تباہ ہو گیا، جبکہ دیگر چرچز کو جزوی نقصان پہنچا۔ پولیس کے مطابق بگولےسے قبل علاقے میں انتباہی سائرن بھی بجایا گیا تھا، جس کے بعد مقامی لوگوں نے گھروں کے تہ خانوں میں پناہ حاصل کی۔غیر ملکی میڈیاکے مطابق تباہ کن ٹورنیڈو سےمتعدد علاقوں میں بجلی منقطع ہو گئی۔