لاہور (ایجنسیاں) پاکستان سپر لیگ فور کے آفیشل ترانے کو قبل ازوقت سوشل میڈیا پر ریلیز کرنے کیخلاف انکوائری شروع کردی گئی۔ سینئر جنرل منیجر مارکیٹنگ ڈپارٹمنٹ نے لیگ کے چوتھے ایڈیشن کے گانے کولانچ ہونے سے 4 گھنٹے قبل ہی اپنے سوشل میڈیا اکاو¿نٹ پر ریلیزکردیا تھا، اس حوالے سے پی سی بی نے انکوائری تشکیل دی ہے جو معاملات کی تہہ تک جانے کے بعد اپنی رپورٹ چیئرمین احسان مانی کو پیش کرے گی۔ پی ایس ایل 4 کے آفیشل سانگ ”کھیل دیوانوں کا“ میں اس بار علی ظفر کے بجائے فواد خان نے آوازکا جادو جگایا تاہم شائقین کو گانا پسند نہیں آیا اور انہوں نے نئے آفیشل سونگ کو مسترد کردیا۔ شائقین کا کہنا ہے کہ اس گانے میں دم نہیں ہے، ملک میں اتنا ٹیلنٹ ہونے کے باوجود پی سی بی نے فواد خان جیسے پارٹ ٹائم گلوکار کو پی ایس ایل گیت گانے کا موقع کیوں دیا۔ جبکہ بعض شائقین کا کہنا ہے کہ یہ ایسا گانا ہے، جو بار بار سنا جائے تو اچھا لگنے لگتا ہے۔